YANJAMBI
(Spirit of the fish lady)
Tribe: Iatmul
Written by: Godfried Manfra Tara
Wumbit na, bambu vilik. Wau na nian na wi yau na nian nawi Yamei dandangi ba ika wal sunga tankha yatimbit. Kalafanakuan ba kua Yamjambi na sat ba sungua taknha Yatimbit wal kat.
Gan kita, na sunga ba numan kundia wal kita wat ta, wan gan waliarika ika undumbu ira ankiamba wakuei ka nind sat ba tink wa via ra tindu, sunga bau munna wokeka walaku walaku wa tind. Tamba wakua dara, gembiba lap ta ikambit, ika bila sunga tankha kita kat viravi ra kita kuaka ia vind. Aungiouku nind sat ba sungua bau walaku walaku wa tind vira tambu kat ware kand.
Bambu na sa Maliodambi ia d na Tarakamei ia. Bambu ia wakuandandi dikat sua karik ka gi guai tanguai ba tika dikat kutka kaulua ra, dikat gi ka wara ra, patka iai ka ika bila tirimba kal wat ka dambit.
Wan wal kat dikat sumb kut ka kuaknha ra, dina uimbu karik tia karik tia yatso ra, imbuno via kuak nara dikat sari kumban ka kuak nara, gapmat kura simbattei bit. Gepma ba ika wakkandara uimbu wal niangu taku at kuira, sumbu wal kali ka wal sumbu kilara nimba nan ba kuira sainia kilara kanja kimbit.
Bambu Mongondi na nian a Maliodambui Na Kalkundimi na nian a Tarakamei.
Read More Iatmul Stories: