Kipsigis – Kinyasaisiek Che Kibetyo (The Lost Shorts)

Written by: Agnes Cherono Kimeto

 

Kibet ak Kiprono ko kisimotonik kimeng’isie ak kwandaywan ak kamenyin en imbareiywan. Konegit gaa ko kimi ainet kitinye kwandaywan ngechirek, ngororik ak tuga che chang.

Kibet ak Kiprono ko kibendi sukul ak lagok alak. Kiineti konetitenywan kole nyolu kerib sukul kotililit. Kiineti kokeny kole ainasyek konyolu kerib kotililit “Machamtayat kebir beek en ainet amu muregiton beek. Ainosiek alak koyachen imuchi koibin beek iloitu”. Kimwochi konetindet logokab sukul.

Eeen jumamosit age tugul, Kibet ak Kiprono kokibendi ib koribe tuga. En jumamosit sait sisit nebo bet, koba ak kwandaywan korikta ainet. “Orib tuga komie” Kimwoche kwanda. “Obwat ole Manyolu obir beek en ainet” Kitesh kwanda komwoi.

Kiin kwo kwanda, kole Kibet: “Komwa bamogo. Kole, kibendi iibkegerjinige mpiretab geldo en karon”. “Eeen imani ongen ole wendi kobelisye timit nebo kogwenyon”. Komwa Kiprono en boiboyet.

En sait nematyanit, koba ketit kotononyo en yenegit ainet. “Kororon beek chu nebo iman. Kaiyon mogitwolji orit?” komwa Kibet. Kiibwat Kiprono koron. Kole: “Ajija kimwa konetindet kole, makararan kebir beek”, kimwachi ne tupcho.

“Kibiire beek en sait nekiten” Komwachi Kibet, Kiprono. Kinget en yoton ngetichuton ak korek ingoroikwak. Kiinde kinyasaisiekwak ak shatisyekwat ngweny en ketit. Kichuut anyun beek orit iib kobir beek. Kole, kororon beek chu mising!

This entry was posted in Kipsigis and tagged , . Bookmark the permalink.

Comments are closed.