Maasai – Nayok kutuk O Olkinyalsho (The monkey and the leopard)

written by: Purity Moniko

monkey-309461_640

Etii apa ele ouwarru omanya entim sapuk oleng.  Ore tennkolong nabo, netumo o nayok kutuk egira anya ilnganaayio lentim.

Nejoki nayok kutuk olowuarru: “Olchore lai, maape enkang ai amu adolita ajo aikinyita eliyio”.

Nejoki olowuarru: “Keeta enalo amany?”

Nejoki: “Maape pee kipuo aamany enkaji ai tenebo”.

Ore ake pee epuo, neiteru oladuo owuaru ashet enkaji sapuk oleng.

Ora ake pee eidip, nelo oladuo owuarru aipot olmarei lenye pooki.

Ore idipa enkaji enye nepuo aamany. Nedol oladuo owuarru enkitejo.

Nejoki olowuarru olchore lenye nayok kutuk: “Kaji aiko pee kimany ewueji nebo enkitejo?”

Nejoki nayok kutuk: “Metii enyamali, amuu, katii”.

Ore kewarie errura olowuarru, nenyiototo enkitejo eyieu neiture oloduo owuarru te ng’eno enye.  Nejoki enkitejo entito enye botor: “Ore ake pee ining maipang’a boo, tumuno inkera pee eyietu. Ore ake pee aikilikwan, tejo oltau lolowuarru eyieu.

Nenyiototo oladuo olowuarru nejoki enkitok enye: “Inyuo teena ilolan pee kipuo aisik amu atoning’o enkitejo ejito iltauja lang pooki eyiu”.

jaguar

Neinyiototo olowuarru neinyie inkira enyena pooki neippang aapuo.

Ore te nkoitoi, nenang’a olchore lenye nayok kutuk.

Neirut nayok kutuk oleng amu etung’uayie olchore lenye tiang’

neitoki ang’asia peenang’are te nkoitoi.

Neikilikwan nayok kutuk olchore lenye nejoki: “Kaji ipoitoto tedekenya oleng naa kaji inapitata ilolan linyi?”

Nejoki: “Eitu duo kirrag kewarie etii olmang’atinta oyieu iltauja lang pooki.

Nieng’orr ake nayok kutuk nejoki: “Eme hoo enchore ai enkitejo?  eng’eno enye ina ejo pee impang’ipang’a aapuo entim oshi nimanyanya.”

Nejoki olowuarru  nayok kutuk: “Enatejo kenya iltomia olowuarrak naa ninche ing’wesi sapukin oleng te ntim?”

Meekure hoo duo iyook kitoni tene metumuti iyiook pooki.

Kiisik aisibackground-764494_640kie iltauja lang.  Amu etejo ilmaasai: “Enkiook ming’ani enya olowuarru”.

Nejoki nayok kutuk olowuarru: “Olchore lai kayieu naaretu, teeniki olkidong’oe lino olalai pee kipuo”.

Neeyiataa olowuarru olkidong’oe ejo aitung’iki kewon. Neiko neija ome tudung’oyu olkidong’oe le nayok kutuk neisik enapita olkidong’oe le mwangi.

 

This entry was posted in Maasai, Maasai and tagged , , . Bookmark the permalink.

Comments are closed.