Omo Masalai
Tribe: Narku
Language: Kuman
Village: Mindima
Written by: Luke Magum
Okona imbu gigl ta anda dumun, anda yomba danda. Kombko dra mana kepa kepaunga.
No, nono dua kamb ara se naa mena, de kimber yer earenda, ba wakai donga anga yea denga.
Pe kamb, dua se wan meke, gigl komboko dra pai de menda hu kenga se enda depa komboko dra pe noga.
Ambu ga neno huo nambo de kuea hera maka ba huo kukaria. Ana hea preakua gigl se noma de pragkua kenda para kair era makai se malkua.
Neno kowano yagl yungo makai sendi katangi pre serak mera gigl se goreka pre ka de tamgi wa, gigl yomba se noga yombro yomey wa nono srek mare pe kan senem.
Yomba sua ta gamba yomba yombro merabuk srek mere gigl kepaunga kanaka de pra embraka ingul em embrka, gigl hunga, ye take nabrica mera mangua, ye yomba yombra mana tambe huglpa brake. Gigl pruka yomba yombra yoma de pruka.
Ye gen ya dekene hu yomba de tegua, ye gak gigl yomba pond se nome nono pe se gorame dunga.
Ye aken yal suo gamba bekmera mera buk, Sera, kembek, kung, yer ya maima en de dauna.
Yomba gamba buka emra sua yoko embrako. Gamba buka pe take paungo. Suo yoko gigl kumbno pra hungo, yomba yoko suo muko de demprako. Gigl menda hunga yomba taka paunga unda se gauglo.
Dekena penda gigl se guna danga. Bika se gogl, kaia mokina pond hera nagua. Gun yega. Herma yoko yongoa, yomba pe duakamb ara se na gua.
Neno kowano de no neno tegua.
No neno de nokeroka. No nagro de tanamga.
Read More Kuman Stories: