Written by: Dr. Naomi Kipuri  (For English translation see her great book: Oral Literature of the Maasai)

Kiti kiti, hooyie pae

Ntoyie olparakuo le kishu, ehooyie pae heeho!

Naaminyiaru manaanng’ entawuo tenkaina

Neisulaki inentawuo botor neitu eikau

Ng’oto kilelu miyagiyagu entarasai

Nkeno kishomi ning’uaa elusie patina

Ena naimu ole Nkaikoni etarishe

Niar osirua niar entarakuet enuta

Ejo ilparakuo eji mikirisio kirisio

Teneru olkiteng’ neru munkarro toldoinyio

Neru osikiria neru olosira marae

Needo olkiteng’ nebaiki enkai, olmeut!

Kumok intare neibor kidong’o, nkoiliin!

Kumok inkerra naa nkumot ejing’,bitiro!

Amur esuntai olmairroto liauluo

Pee eikieki enkawuo ang’ labuny nikirru!