Written by: Dr. Naomi Kipuri (For English translation see her great book: Oral Literature of the Maasai)
Nkuapi naamanya iltiyan lang’
Ino nkena mincho kilang’
Oyiayio hoo laleyio ehoyiaayio {chorus}
Emanya ole kipuri owuasa
Le ng’oto Nakae Ilmotioo
Nemanya ilmeori eiriamari
Lololkatira Embirika
Nelo amanya enkerai oolmurran
Leng’oto kitai oltepesi
Nemanya ole Esho lolgisoi
Le ng’oto Ntitai eneika
Nelo amanya ologeli osur atua
Enting’ida naishuyie Nkunyinyi
Amen isiankikin tena kop
Neisulaki inoonkidong’i
Sasin ilmurran lirorierie
Neima nkiri enkuretisho
Era kulo tualan okuni
Linkodo nkig’i nikiya
Kinkonyaitie oltuala oikodo nkumok
Lole Sampurri loolpapit
Kiwaita temanyata ole Ping’ua
Isototo nkayiok erashe
Kiwaita ole Rakua lolgisoi
Oishuyie Naingolingola
Enchira naanetu nkidong’i
Ole Ping’ua lempere olkiteng’