Modern poem by: Wise Oloishorua
Olosho lai Olosho lai
Mataleenoi orgisoi lenchashurr
Mikinang’silig amu menang’kewan
Olosho lai mikipalaa ake orkuak.
Etejo apa looironya iyiook
“Enturai ele kuaak linyi
Ore elekuak nerrinyito intae sidai”
Olosho lai mikipalaa ake orkuak
Paamaele kuaak torrono
Kainyoo peegira ninche aadupore
Kainyoo peeyaua iloiborr enkop ang’
Olosho lai mikipalaa orkuak.
Eshomoyie irkumok ng’ambo ele kuak
Ele kuak eitoduayai toontelefisheni
Eishopito ninche nkilani osaen lang’
Olosho lai mikipalaa orkuak.
Oloshi le papa o yieyo
Matung’uai imbaa nemeretisho
Anaa emurata entito o Kiyama oonkera
Olosho lai mikipalaa orkuak.
Kake ore orkuaak lang’sidai
Matang’oroi olosho lai
Nikidupore sii amu ina ake naretisho
Olosho lai mikipalaa orkuak.