Written by : Agnes Cherono Kimeto
Kimi tiogik aengung che kichoronok ochei, ki kiplegwet ak mororochet.
En betut agenge konget kiplegwet kolenji mororochet, Keero chorwenyun mami raani chekiome amoche awa achengat amitwogik.
Kinget en yoton kiplengwet akityo konde ma amitwogik chebo beet sikwendi. Kiinte ma bendo en chepungut, ak kolenji mororochet korib kotor korur.
Kiiyan mororochet kalek ab chorweyin.Kinget anyun kiplegwet ak konam safarit.
Mait ole loo, konget mororochet akityo kwo ma koroch, kole neen akass ngot kokakorur.
Hmmm, Kikass koanyinch got mising.
Kiibur kiten konget kokeny nebo aeng, kole neen akass ngot kakoruru benyi, kiaam bendo mororochet kogel kotatar en chepungut. Maibur kogeny, kongeet nebo somok. Kole alen kakoruru neboraa.
Ngwo kogeny chepungut oriti kocher bendo nekiboto kowet.
Koityo kolen konde kutit kokass en yoton sautitab kiplengwet “Chorweyun karaitu”..
Kilen kolugui bendo koget kawet ak koteben mogwek.
Kongeten yoton agoi inguni kolelen kro! Kro! mororochet kolen kolugui kowet.
Inetech kole – yaa chorset wee bikyok.
Read more Kipsigis stories:
Kipsigis: Ele kiborunto Mbunit kole kichome aregkyik (The ostrich loves his kids)