Narrated by: Eunice Ntongai

Written by: Lisper Oron

Kagita gakaraja ikwari na mwari umwe uumuthongi  mono wetagwa Kagwiria.  Tunku imwe  ngina wawe  amutuma  kuthambia nchenga muurono menya isio siare irio biao utuku bou.

Kagwiria agukinya mourone aamberirie kwina akithambaia nchenga.  Tuntu bwa sauti yawe ithongi nyoni na njorori sia kirere siamberia kuthekira rwimbo.   Inyakwetherwa Kagwiria naainaga ataiji ikwari na mbiti matini.  Ariakue kuthiria, munyanganti jwa muruma kuguru arekeria  karai karea kari na nchenga.  Kagwiria ambiria kurira na kuromba utethio.

Mbiti  yauma  maisithone  yamuuria kethira nakwenda utethio. Kagwiria amiira ii, mbiti  yetikeria  kumatukira  nchenga  lakini yamwira igeta kuria kwao utuku. Kagwiria agusoka njaa aterire ngina wawe  kiria  kieenderete kuria mourone.   Utukubugukinya  baaruga irio lakini mbere ya  bekira irio thanine  murango  jwa  ringwaringwa  na  rwimbo  rwamberia.

NDUGORIRWE  MENYA  NGUKINYA

RUGURURENI  MUTETHIA WENU

RUGURIRENI  MBITI

Ngina  na  ana bawe bambiria  kwigua oguaa lakini Kagwiria abera niwe werite mbiti ije. Bekira irio nandi bakara akuie na mwanki, utiwe waragia naungi tontu ibakiraga mbiti.  Kagita gakumama kagukinya mbiti yarega ikwaana yauga irienda kumama  na Kagwiria.

Utuku bamami mbiti yokira na gwita  rutere ruria  ngina na  twana baamami yabaria bonthe.  Eshokera Kagwiria na kumujukia  emwikia nthiguru ingi , aethua mwiti  ngugi.  Riria  Kagwiria  akurire  bamuria.