Narrated by: Ntomunge Ruguru
Written by: Lisper Oron
Kagita gakaraja ikware na ashore baire chungura na nguku, bendanite mono na twana twao twasheraga amwe na gwita chukuru imwe.
Tunku imwe nguku yathugania guchethera musore wawe, ya rumba chungura ije kwawe. Nguku yeta mwitune yauraga nyoni yeja yamiruga. Riria chungura yakinyire yagwirua mono tonto bwa mweero jomuthongi jwa irio biria biarugi.
Nguku yamugwata ugeni musore wawe, baria nyama na bethhirwa bena kagita gakathongi muno. Tuntu bwa uria chungura agwatirwe ugeni ni nguku inyawe aromba nguku gwita kwawe.
Igita rigukinya chungura gwita kwawee, atega ona musore wawe atari na kuguru kwawe kumwe. Amuria naria kuguru gwetire, nguku amwira iku amurugirite tontu namwendete muno.
Chungura aigua murimo muno tontu bwa musore wawe kugita kuguru lakini ataiji nguku kaaithite ndeene ya maguthia. Aana aithikirite na akithuganagia kiria aringi rugira nguku. Tunku ya nguku igukinya gwita gwa chungura ekira nguo inthongi mono na kwambiria na safari yawe. Rutere ruria rungi chungura auraga ngina wawe ikenda omba ikwonia musore wawe uria amwendete.
Chungura aruga nyama sia ngina. Nguku agukinya chungura arigara mono kumwona enakuguru kungi. Amuria kethira konere kuguru kungi lakini mbere ya nguku kwari, yagwa nthi na kitheko, riria yathirerie ikutheka yamwira kayamushetherete tontu itingi gita kuguru kwayo. Chungura ena maruru jamaingi tontu bwa kuuraga ngina akuruka nyomba na kujukia gasio yenda kuuraga nguku lakini nguku yamatuka.
Kuma ntuku iiu nguku na chungura baa anthu babaii.