Sukuma – JIGANO JA NGOSHA NFULA

Collected by: Don Sybertz,   Scanned by: Cephas Yao Agbemenu   Edited by: Fr. Zakaria Kashinje OSA

With special thanks to Rev Joe Healey (African proverbs,Sayings and stories)

Kale ya kale waliho ngosha umo. Ngosha ng’wenuyo wali na kaya nhale gete niyo yalinfula no. Aha kiya ya numba jakwe waliwasimba choo. Choo yeniyo yali yokala, niyo hangi lidugu Iyaho yalilyagwa yushikila shenisho duhu.

Ngosha ng’wenuyo aha wabhona giki Choo yakwe yasaga giko, akasola madete ubheja lwigi Wikumbija. Wakamala kwita giko ubhigisha ha shikome bhana bakwe ubhawila giki,

Bhana bhane, yaya ukwigusija aha lichoo lyenilo,mukugwila”. Bhayanda bhuhaya, “Twigwaga bhabha”. Sha lushiku lumo, abhana bhakwe abhaniginigi bhandya kwigusha bhalitula mpila. Aha gwatulwa umpila umo wabho gumita, aliyo kulolile uko ili ichoo. Nanghwe upela alimubuyegi walishinya. Na oli atilalangijaga. Wakisanga alipanda ili lwigi lyenilo likundika ugwila ulibhila. Aha wagwila kasumba kamo kupela kuja mukaya kung’wila uninago.

Ngikulu aho wigwa giko, ufuma alilila kwiza halichoo. Ukasanga mashi akufudilaga kiti ludefu lwa milaga munhu. Wandya kulila, bhanhub’iza bhokala pa, aliyo bhuli ng’wene ulu aliza wakumya no yiii!. Aliyo gwa kwita nduhu.

Bhanhu bhakokala no. Wakanoga wiza nkuluye lya nsumba uyo wagwilaga mu mashi ubuja, “Ahenaha kinahe nayi?” Bhung’wila, “Nzunayo wagwilaga mu choo”. Aho wigwa giko ulomba Iuguta. Uzula pye imyenda imisoga usaja ja mugati, Witunga luguta munkimbili. Ubhawila, “Ludimagi ulugoye naje nanjile unyanda, ulu numona nakusunga nkono, ulu mugubhona mudute lugoye. 

Nyanda ng’wenuyo wiponeja mugati ya Choo, ikanza litakulile ukabhona akazunaye ukatula hibega usunga unkono. Aho bhamona bhuduta kihamo ufuma, aliyo wajimaga mashi kibhi no. Nyanda ng’wenuyo ukapyagula ukumiso, bhanhu benha minzi ukalaba. Na kayanda bukoja. Aha lyakula ikanza kufulwa mbeho kandya gweshema. Nkulu wago woga uzwala myenda misoga, ukabhucha akazunaye ukachala kaya, ukagalaja ha mbeho ha linti, kufulwa mbeho kuluja kubhiza gapanga.

This entry was posted in Sukuma and tagged , , , , . Bookmark the permalink.

Comments are closed.