Written by: Dramani Dari  (Winneba University)

KEPUSHIBIPO

Kepushibipo mabe kepushibipo

Kepushibipo monɛ fo wɔ lor be mba ndoŋ

Kepushibipo monɛ m maŋ daŋ kuu fobe efɛ to

Nnanaana benapo tɔmase be efuli

Efuli monɛ apo nɛ awuroŋ bee ji eyer cheiŋ

Kumo e la mabe kepushibipo

Kepushibipo monɛ edoŋ kuti n jerbi fo

N sulo fobe mbia n ya wɔtɔ kessmajiya to

Kesomajiya monɛ ku kilgi bibi anya

Anya monɛ bumobe ketawuibi mur saŋɛkama

Epeŋi janjaŋ burbi so

Kesomajiya be akar be kesomajiya

Nɛ ku laŋɛ bibi jaga

Fanɛ anaa nɛ naakpariana

Nɛ bu ju a balga so fanɛ mmunawuraana

Kesomajiya ne ku jerbi kepushibipo,

Mabe kepushibipo.

Kepushibipo, mabe kepushibipo

Kepushibipo mone fobe asheŋ naa nnanaana

Be kɔnɔto saŋkama

Kabre mee yuli a tere fo

Kepushibipo tuwe ma ai!

Saaŋ shinɛ edoŋ be kurfe e muni fo nchu

Saaŋ gbɛ n keni dra, nkpalmanɛso,

Asheŋ dra nɛ lɔŋɛ bee nyigi a shu

Kabre eleŋ china edoŋ be kewuibi so

Eleŋ ka bee ji mpepeto

Kabre be eleŋ laŋɛ fobe enɔto

Edoŋ bee yelga fobe asɔ

Edoŋ bee mankura fo

Nɛ e suwe fo be kinyi

Ji n kata fo be eleŋ to kpakpa

Nyaŋ fobe kinyi m bɔɔ anu.

Fo e la mabe kepushibipo.