Iatmul – The Water Spirit 2

Told by: Carrol Bunjin ( Korogu Village)

Collected by: Dr. Gerd Jendraschek (Original version with translation here)

 

Wan gepmana ni’ba baagukak kadi yika. Yili’di bi’k nyaamun nyageibi’k.

Nyaamun Kabanwalidi’mia, nyagei Dadagi’maina. Kan li’la baagi’ maanba li’ka yalaka wakkaika yika naabu kwilaa yikadi.

Baagukak yidi, bi’lokwi yibi’k, tatta li’li’ di’ gi’nila li’di’, yibi’k.

Yika wan dadagi’ taaku laakadi li’di’ suupmakak yibi’k, di’ wan Waji’mauk kladalaa maanba kutdi’.

Kuttaa li’di’ yika nyaamun tatta vali’kailaa ti’di’.

Agamak yilaa yaikiyawun walaa wan glali’li’ nyagei.

Glali’li’ li’kak yika kutdan ana wan wakkaili’, wugi’da maanba taba kuttaa li’di’.

Wugi nyaamun glaa yabuk takalaa glaa yaa ti’di’.

Glaali’di’ li’kak kladali’di’, wan bagukak yia ni’ba yika ti’ka vi’jibulaa kwaklalaa laba yaali’di.

Li’banda yaali’di, agamak wupmâ kwaami’n, wan nyaamunkak yaa wakaladi.

Wuna nyageikak taba Waji’mauk kladakadi’. Wugikak glali’kawun wadi’. Kladali’di’ li’la nyaamun kupba vi’di’, dukuvi laba kwaklali’ nyagei.

Glaali’di’ yika yika wan baguda naabu ki’bula baguda mi’na yika wakkaidi’.

Waji’mauk taba li’kak kladadi’, gu gaiak.

Agiyabak. Ni’ma si’vla saaki anadi’.

This entry was posted in Iatmul and tagged , , . Bookmark the permalink.

Comments are closed.