Told by: Carrol Bunjin (Korogu Village)

Collected by: Dr. Gerd Jendraschek (Original version with translation here)

Ta’kwa di’baba kwali’. Kwali’ wa’k yadi’. Li’kak wavwiyokuka yaa ti’ka.

Yalaa yaa ni’ma ki’kki’k’a ti’ka yaa gu yaakuli’li’ li’kak kuttaa kalidi’.

Kalika yika ti’ka agwi gepmaba ti’ka ni’bakat ni’ma wa’k kwili’di’.

Kan ta’balapman ti’di’.

Yili’di’ mi’na di’kak kuttaa si’li’di.

Si’ka mi’na yika ki’li’di. Ki’ka yaa ti’li’di.

Yaa ti’kali’ka yaa ti’ka saava taba vli kwidi’ si’di.

Si’ka ki’ka kwakladi, kan taba ana kwikadi’.

Kan ni’ma ni’ma akwi li’kadi’ wan ti’da kava.

Wan du Pali’beia, ta’kwa Maligeiak.

Di’baba kwali’ kutta kalidi’, wa’k’a ti’ka.

Kalidi’ si’ka ki’li’di.

Ak giyabak.