Collected by: Don Sybertz, Scanned by: Cephas Yao Agbemenu Edited by: Fr. Zakaria Kashinje OSA
With special thanks to Rev Joe Healey (African proverbs,Sayings and stories)
Jimala bhupambo – Dede
Pambo na Wilu – Dede
Shingilima, shingilima ndala migunda Dede
Ndala migunda shenene jabhita ibhili Dede
Jabhita ibhili jijile mangaliginja – Dede
Mangaliginja ngoko yalema kubhicha – Dede
Yalema kubhicha, ibhikije ng’wa nyamhanu – Dede
Ng’wa nyamhanu, mhanu mhanukile kunu – Dede
Mhanukile kunu wize umanga – Dede
Akudukile jaso na noko – Dede
Nyanyi gangi yanya dufulo fulo – Dede
Dufulo fulo dongoma nkima Wa bashi – Dede
Nkima wa bashi waja wigonda Dede
Wigonda Sala yita mabhele Dede
Waliho nkima umo walinda, uja kujukanza myenda yakwe hllambo. Wakahayimanila lyamila ililambo lyenilo.aliyo akabhiza alimpanga duhu umugati yilambo.
Gubhiza nzengo gwakwee mo. Iki wali nda akabyala bhana bhabhili bha mabasa, bha Kulwa na Doto. Bhukulila nabho nu ng’wilambo lyenilo bhubhiza bhaniki bha jaluko.
Lushiku lumo bhakafumila nuninabho gukanza myenda yabho. Bhahayimanila gashika mang’ong’oli abhili. Gandya kwimba lyimbo; “Ng’ong’o1i wane udoto jiwangala tukila manyanza, doto jiwangala hiiii!!
Abhaniki aho bhigwa chene bhulibhila ng’wilambo. Wakanoga umayu ng`wenuyo ubhonwa na bhaduguye. Bhunjila kung`wenha kaya. Gaganoga giza hangi amang’ong’oli giza gimba ilyimbo lyago. Ng’ong’o1i wane udoto. Bhupela mukaya bhuyunseka abhiye alihaya kutolwa na ling’ong’oli.
Bhaki manila lushiku lumo giza mang’ong’oIi mingi kwiza kununja ung’waniki udoto. Ubhi watolwa udoto na ling’ong’oli. Ibhujiku Wigaluchaga wabhiza munhu ili mi ng’ong’oli.
Kulushiku lumo, akadoto gukapemba amabhoya gakwe bhujiku. Aha gabhaka jufuma mo ng’ombe, mbuli, ngholo na bhanhu bhingi gete. Gashinaga ing’ong’oli yeniyo yali iti noni. Wali munhu, niyo wali nsabhi na walina bhana bhingi. Bhakigasha nunke na bhanhu bhabho na mitugo jabho. Bhakigala mubhuyegi bhutale.