Sukuma – NGOSO NA JANGU

Collected by: Don Sybertz,   Scanned by: Cephas Yao Agbemenu       Edited by: Fr. Zakaria Kashinje OSA

With special thanks to Rev Joe Healey (African proverbs,Sayings and stories)

 

Ngoso jali jogoha jangu kibhi niyo. Jalijitugima kubhuluka hape limi nulu bhujiku nahene yaya, nguno jali jogoha kubhulagwa. Jubhona jikucha duhu na nzala.

Nose jibhilinga kulomana jite kinehe, aho jitali jukobha umu jite, nsumba wa ngoso wimila, uhaya giki, “Bashi lulu, nene napandika umhayo gwa wiza, guli giki, tuyitunge jangu ikinda mu nhingo, tubhize tuyigwe hose uko ujilila.”

Bhana ngoso bhuyega niyo no, bhunkumilija no unsumba wa ngoso uyo wabhalanga masala genaya.

Aliho namhala wa ngoso walahumulile du, ubhuka uhaya giki, “Hene mhayo gwenuyu gwa wiza bhuli, aluyo alagantunge u jangu ikinda nani?” Ngoso ki uyo ugima kuja kuntunga jangu ikinda? Henaho lulu yubhalemela, na kushishana haha.

This entry was posted in Sukuma and tagged , , , , . Bookmark the permalink.

Comments are closed.