Written by: Late Philip Baako Adam Malshegu
Editted by: Adam Carlos A.
Special thanks to Mohammed-Muniru Cosmos
Yi mi binshegu din tahili ka kpatiŋdariŋga ti kuuikuui ka o ni kuui shem ŋɔ? To di daa niŋla lala ka niŋ lala ka paaŋa daa puhi o kpariba ka yeli ni pashe ka o paɣa daa yɛn n duɣi tiba. Kpariba ŋɔ kɔbu biɛɣu ni daa ti nee, ka paaŋa mini kpariba be puuni kɔra ka paaŋa paɣa ti kana nti yeli o ni nyuuli maa biya o bɔrila kpam ni o ti nyeligi.
Ka paaŋa daa yiɣisi doli o paɣa ka ti che ka o zaŋ duɣu ntam buɣum ni. Duɣu maa ni daa ti bii saha sheli ka ŋuni paaŋa daa dii yiɣi nti lu duɣutulli maa ni ka yɛra “N yi garikpe, kpam din chuu! ka n gari kpe, kpamdin chuu”. Pumpuŋɔ, pumpuŋɔ ka kpam puu pali duɣu zaa ka labi o puuni ka bɛ ti guhiri o paɣa. Di bi tooi bela ka paaŋa paɣa zaŋ pashe ni kom tahi puuni na ka kpariba ti ŋubi ka di niŋ ba nyaɣisim. Kpatiŋdariŋga gba daa bela puu maa ni n-nya paaŋa ni daa niŋ shem maa.
Di daa bi niŋ dabaayi ka Kpatiŋdariŋga puu kpe mɔɣu ka o gba puhi kpariba ka yeli ni o paɣa gba yen duɣila pashe din dali maa. Kpariba ŋɔ kɔbu biɛɣu ni nee, ka bɛ laɣim taba Kpatiŋdariŋga puuni nti gbani chimsimam, ka kushia n kuli gahira. Lala hali ka wɔligu ti puhiba zaa ka Kpatiŋdariŋga gba paɣa ti bala na nti yeli o ni nyuli maa biya.
Ka o da yiɣisi doli o nti che ka o zaŋ duɣu n tam buɣum ni. Duɣu ŋɔ ni daa ti mooi saha sheli la ka o gba daa dii yiɣi nti lu duɣu maa ni ka kuhi pam n-nyeli “Nkabira, nkabira” ka o paɣa daa too kom niŋ duɣu maa ni yom yom. Din dali hali ka Kpatiŋdariŋga daa gurim ka na kuli gurim ŋɔ.