Told by: Kaleku Family and Maika soit
Written by: Miton Soit and Andrew ole Nkong’oni
Etii apa nejigu enkukuu tungani nirag enkaji.
Nikilikwanishore ng’oto enkera: “Kaji ing’ua naa kaji iloito?
Nejoki: “Intae ake airag pee ekenyu alo kulikae oshon”.
Naa ijo keingasiate inkera. Nejokini: Totona. Neton.
Nejoki enkitok:”Lopayian, ijo iyata orkidongoe?”
Nejoki: “Imoda si enakitok? eme enapakata kijo tesosiani tekidongo”
”Lopayian, ijo dii iyie ikira dorop enka’e keju?
Nejoki: “Eme enapakata kipuo enkai nikipuonu enkop”.
“Lopayian, ejo dii ira keri?”
Nejoki: “ Eme enapakata kiar ilturot naapet imodiok apa omaataa keri..”
Nepal ninye entasat.
Nejoki: “Lopayian, tadou maishoo endaa”. Nedou.
Nejoki orpayian: “Ore taa ninye oshi olporror lang, naa esaani epikakini endaa…”
Neingor ake enkitok ometiaki:”Lopayian, ijo dii elab endaa? “
Nejoki: “Eme neija oshi eiko olporror lang tenenya endaa…”
Nigilie: “Lopayian, ijo dii eikirok enkume?
Nejoki: “Eme enapakata kinyia endaa toomotiok”.
Nepal ninye entomononi nepuoi airrura.
Nedumunye olpayian anyaa ilonito. Nening enkitok, Nejoki: “Lopayian, kaa doi inkunita ilonito?
Nejoki: “ Nakitok eme doi enkookoni naanyita”.
Negira.
Nenya ake orpayian ilonito ometumuta. Neitoki nedoyio aloo oltiren.
Neinepu ilkuoo oyena neonyoo.
Nening enkitok, nejoki: “lopayian, kanyioo nanyita olkuoo?”
Nejoki orpayian: “eme doi enkeene nagorito ilkuoo..”
Nedumunye oladuo moruo, Nejing olale.
Nening enkitok. Nejoki: “ Lopayian, Kaji dii inkunita ilasho?
Nejoki: “Eme ilasho agira. aitobiraki irponot…”
nejoki orpayian: “Tinyikai mairrurta!”
Nejoki ninye enkitok: “Ou mairrurata!”
Neilepu orpayian. Neiteru anya olchoni.
Nejoki orpayan: “Nakitok! Tenyikae!”
Nenyikaa enkitok: “Ometabaiyki esuntai.”
Nejoki orpayian enkitok: “ Nakitok, kalo nano boo, amu kaarita enkima”.
Neipang.
Neituria inkishu. Nedumunye orpayan to’ripie. Nejoki: “kainyio naiture nkishu?”
Nejoki: “irgusilo.”
Nelo orpayian airrura.
Neigil orpayian ajo: “Kainyoo naiture inkishu?
Nejoki olomon: “Nano, Neim inkishu enkang.”
neim enkang olomoni. Neinepu osikiria.
Nerr metua.
Nekwet ama’naa te’enkang. Neinepu osikiria, neiken katitin imiet.
Nejoki orpayian: “shomo olaka toroka.”
Nejoki olomoni: “Aroku atama olchoni orkuoo?”
Nejoki orpayian: “mikitesheta”.
Nejoki: “Ashet atama olashe osikiria?”
Neyiolou orpayian ajo eme duoo olomoni, kake enkuu tungani na orkonoi.
Nepong’u olomoni oleng omeimu enkiring’o osiadi.
Neduaya olmotonyi enkiring’o erumisho newuappa.
Neshipa olomoni oleng. Nejo: “Kuruk tabaa ilewa… kuruku tabaa ilewa”.
Nedumunye nelo olikae osho.