Gonja – ESOANAA (Poem)

Written by: Dramani Dari  (Winneba University)

ESOANAA

E so a naa ka baa tu

Ka sulↄ m baatu

Eso a tase

Asheŋ chugblɛ nna na

Emo e chↄ mo barkasa?

Emo yɛ e pↄr mo barkasa so?

Ede so amo a naa

Nɛ ede so amo a tase

Nuso be kibawↄtↄ nɛ baaŋ ta n tu abar

E so a naa kaŋ ta moya n kii edɛ

A sha nɛ e ta m baa chↄ

Emonɛ e so a tase

Kumo ere e beeŋ kil emaŋ

E beeŋ pin fanɛ edɛ baa tu amo wuera

Fo ka yɛ fo so amo a naa

N ta m baa tu e so amo a tase

Wↄtↄ lakal nɛ aya chiso

Fo kaŋ chↄ puwa

M baa luri mobe asheŋ to

Feeŋ wu emaŋ to be emaŋ

Ndoŋ nɛ nchu bee luri abarto

Ama abee nɛ abee wↄrↄ kanaŋ kama

A maaŋ tiŋ luri abar to

Fo ka bee puchi fanɛ fo e la ashea be kumu

Nɛ fo so amo a naa a kre baasa a saŋɛ

Fo kaŋ sulↄ amo m baa tu e so a tase

Feeŋ pin fanɛ kade kama kↄ

Kumobe mbonyo monɛ

Moalɛ kre amo n sulↄ a tase.

Eso a naa yɛ e maŋ kↄ sara

Esa kama maa luri mobe asheŋ to

A nyɛ ketampaŋ

Fo ka maŋ wↄrↄ

Mo sheŋ gba e yɛ

E yɛ fo saaŋ nyec kubo n kor ayu

E bee keni fanɛ kusↄ kama br mo anu

Mo e naa boo ken

 

This entry was posted in Gonja and tagged , , , , , . Bookmark the permalink.

Comments are closed.