Written by: Dramani Dari (Winneba University)
KUROMBURE
Kurombure
Kebi monɛ bu kurwe alambure to.
Nɛ e bure alambure n pɔr kade.
Mo nɛ baa wɔtɔ edɛ to
Nɛ e bee bol nɛ nchu bee wurwe.
Enyɛn we nɛ e dii gbaŋɛ
N kuu Chitabu to nɛ kalabir bɛso
Mo nɛ kadeebi bee dele,
Kurombure, edɛ mo wɔpa!
Kurombure
Benyɛn to be enyɛn
Nɛ e sulɔ kelantaŋɛ
N jɔɔ nchu n sa bewuraebi
Nɛ bu ta n too ela
Enyɛn mo nɛ bu too mo
Nɛ e sɔ ayaanwurwe m gbiti kumu to.
Enyɛn e la mo, Kurombure.
Esa nɛ baa fin mo nchuto
Nɛ e china kebeeso a lante
Mo nɛ baa dele,pel mo n keni.
Pel mo n keni
Nɛ edɛ e chɔɔ fo.