Iatmul – The Meeting

Told by: John Bonjui (Korogu village)

Collected by: Dr. Gerd Jendraschek (Dr. Gerd’s story with translation)

 

 

 

Wegasi’va gabi, Yaami’k agwi gepmaba li’ka yaadi.

Yaka yaa kan gepma wakkadalaa, aya viyadi.

Yaka yaa geko ali’pma maatnyangu ni’manyangu yaa ichodi, giyabak,

gepmakak gabuka, gepma geko sumutnu tagi’kbowi yakuyaku

ti’ki’k tapman ti’daankak ti’ka, wugi ni’na nya’ik nyimei wugi

yalavi’k yalavi’k vi’laka li’ka, giyabak.

Agamak an gepma apmâ li’vekadi’, ni’n yika dikak gabuka yika

kunatni’n gepma gaigekoba ki’ka ki’sa li’kadi.

Ti’ka nyaagi’kkak ti’ka yilaa yika gepma wakkadalaa, ti’kiya vaak, ali’pma nak gepmaba gabujavaak gekoba li’di yika gabukiyani’n.

Mi’dakak apmâ gaai gaaiba li’di, dunyangu gekoba ti’lapman agivaak yili’kadi walaa ni’na nya’ik nyimei vi’laa li’kadi.

Wugikak ti’ka yaka yaa geko,ni’nkak gabuka yika glabu dalaa.

Giyabak.

Wan gepmana ni’ba, avla yili’navaak kavle yili’navaak, avla kusakuka gabuka yika gi’li’laa, yakwa, ni’nkak ki’gi vaak anadi’ ni’nkak kavle yia, jaabwinyangu anadi kavle yia, maatnyangu ni’na kavlea.

Ni’n avla kavle gu ki’ka, yika, gaigeko kavle savle yili’kani’n.

Ni’nkak vi’laayaa gabukaguk.

Wavun ni’nkak yaa gabukaguk wan nyaagi’k gabuka yika kunakka gi’li’ka, giyabak.

Gla’bu, baagla wakwaika laakadi, baagla ki’sa yika gi’li’laa, gi’li’di, wuba kan ni’nokwi okwi yalaa li’ka saunbagi’nyaan, di’no wuba wakwailaa, di’no di’na baagla gekoba laakaka, yakwa, gulokwionala gepma kudi gabuli’guk wukka, walivaadi’ba kukka, lavunyingaba kuttaa kalika yika gula gepma kudi kunattaka kwaklawun gulaya vi’ka gabuka

ki’nyali’ka maatnyangu gepma kudiba gabuka yaatti’badi.

Waa ni’nkak apmâ yidi’, giyabak, di’na baagla ki’saka wupmâ yidi.

Akkiak agiyabak li’ka gla’bu akkiyabak baagla ki’sa gi’li’ka

ki’ki’da kukka wakwaika laakadi ki’ka giyabak.

Dino wudi Yaami’knyangu Kaglamakba li’ka yaa nyangudi.

Di gepma yidi.

Yidi ni’no wuba gepmaba giyabak ti’ka wuli’ni’n.

Agiyabak.

This entry was posted in Iatmul and tagged , , , , . Bookmark the permalink.

Comments are closed.