Written by: Dr. Naomi Kipuri  (For English translation see her great book: Oral Literature of the Maasai)

Entasupa lomurran – Ipa (Others)

Aikiyiololo toi ninye anaa aimikiyiololo

Mikiyiolo iyie (Others)

Mikiyiololo amu nanu oshi eji Ole Kores

Ololong’ olgisoi oibung’a ilmoekin intashat

Naiki nkalkures ilasho ilapaitin lemesesh eing’orom Ilasho nyewaitie

Others: Ee pae enenye

Oloota ntaua sapuki ilaron lemebaiki empejoto

Oonum ilang’at likidung’u nkorkorri

Aairritayie ilatampo lolkingi lemeidimu enkiyieu

Others: Enenye

Aata olarus lemouo otomito esidano kimishir

Oriku noo kilapa enkanasa nemeidurrie ilkinyie

Aata olkiteng’ omanita olorika aigil ong’uan

Lenkiteng’ ai kirotet naing’uaa olerumpe oduaya enkolong’

Oinosita empuk Ilumbua

Aata olarro mugie ololong’ emouo

Opiroki ntaua naakweni nkutukie olaram lekeyian

Lenkop namiri iltung’ana etoni anaa nkishu

Naeni ntaua mugiein too mukuntani

Aata olkiteng’ oodo omisimis irashat

Lemelita enkorkor eitalam inkejek

Oigilie entureishi nemepono endaata

Aata olkiteng’ oimisie erashata lemeeny ebulu

Lenkorkor lemeidimu ilmong’i leitu eing’at olaram

Edooyo ake enkereri olkoroe lemeked ilkeek

Odung’oki ilkurreta ooirinita enkorkor

Olalai oirisha oltikana le ngatet oure Ilmaasae.