Maasai – OLMORUO OTARA KEON TIORRONDO OYIARA (The greedy man who almost went hungry)

Written by: Dr. Naomi Kipuri  (For English translation see her great book: Oral Literature of the Maasai)

Netii apa, netii ele moruo, nelo nkang’itie. Nelo abaya eitipilitaa enkolong’. Nejo: “Koree nkajijik olporror lang’? Neutakini.

Nejing’ duo enkaji natijing’a. Neinepu emoti natii enkima nayiarare olorrondo oishori enkiteng’ naiboo emudong’. Neilep alo erruat aiperipera. Nedol ele orrondo oyiara nejo kenkiri. Kake ore tenkaraki naa olomoni neureyu eyet emoti.

Nelotu entasat aji eetuo nkishu. Nebolu lasho alo alep. Ore peyie eidip atalepo ilkuti asho neng’as alotu aji aisho olomoni endaa. Nejo entasat aisho olomoni kule nejoki: “Elee maok kule amu aimua naaji olpejet loolewa naisuutisho niaku menare naok kule.” Ore peyie ening’ entasat enetejo olpayian nenyamalu amu meeta ae toki naisho olpayian omoni. Nerrinyo ninye alo alepisho.

Ore kiti nejoki entasat enkerai, ”Nakerai, ng’urai siyie oladuo orrondo lenki teng’tenaa ketaa kemit enkare peyie idotu.” Nening’ ake olmuro ina neyiolou ajo mme nkiri inaduo naayiara, neidipa duo atanya kule. Nejo, “Oi oi oi atara sii taata keon tiorrondo oyira!” Nejo ang’om nebuak nening’ entasat. Nelotu entasat ajoki, “Lopayian, tooko duo nkuti le amu meeta enikinko.” Memus oladuo payian peyie ejoki entasat nji. Nejo: “Nchooki otiake amu pae sii duo alotu aar keon tiorrondo oyira!” Niaku ilo payian oshi ilo oji ‘etara keon tiorrondo oyiara’ IIo moruo apa oulu oiterua ina dung’et e rashe.

This entry was posted in Maasai, Maasai and tagged , , , , . Bookmark the permalink.

Comments are closed.