Written by: Dr. Naomi Kipuri (For English translation see her great book: Oral Literature of the Maasai)
Ajul ole Siamito olmeing’atie enkop ilonito
Le enaloki e yieyio natii enkutoto
Tonyoku larridaki lai enkaina ematua
Tiaatua ilmirisho looltaikan likincho
Abuaaki emutiy o endaruna
Olmurrani lai lenkila enkopiro
Pee mejo Enkai nemejo enkop
Kalo ting’idai ele lemebuak ebuaki
Najoki mara nanu oltingidai le toki
Ara ake oibeloyie emurt osina
Loonkishu naitong’or enkonom
Naatemena entito elepito
Nemenu enkayioni nairritita
Nememut entonata olchani etaleng’o osupatei
Atayieua nanu olmurrani le nkila enkopiro
Ine likae mayiapi naashal olopeny naponie
Kurruk kurruk oibor enemuati ng’oroyiok
Neme tenkop ang’ eiborrie
Nerok enkila naishopito
Neme tenkop ang’ eishopo
Tolikioki ake ilkiushin irruka
Loosiria likituata enkaji oonaapi ronkeni king’oru
Abuaaki emutiy endaruna
Olmurrani lai loonaapi ronkeni
Mejo Enkai nemejo enkop
Kalo ting’idai lido lemebuak ebuaki
Mara olmurrani loonaapi ronkeni
Olting’idai le toki
Ara ake oibeloye emurt osina
Lonkishu naitong’or enkonom
Naamen entito elepito
Nemen eji enkayioni nairritita
Nememut entonata olchani etaleng’o osupatei
Atayieua olmurrani lenkila enkopiro
Naashal olayioni le likae mayiapi naponie