Written by: Dr. Naomi Kipuri (For English translation see her great book: Oral Literature of the Maasai)
Kaji kirrepieki ololtibili
Meishoru enkolong’ olpurkel
Mikirrepi te saa sita
Nailiarie oladalu nkishu
Nimikirrepi etadoyie enkolong’
Meya irrepeta oldalati
Enkolong’ ake nalotu ene wueji
Nerrepi olodoru ng’amaro
Eitu ashurtaki entilata ino
Olalaa ooki naishi
Atanapa enyorrata olchore lai
Ebaiki apa ara enkiti kerai
Atanapa entilata tolodua
Metubulu anaa nkolong’i
Mapik enyorrata olchore lai
Elukunya natii ilbeli
Etirisha ilkimojik ondapi
Nerish entanun o emoinyua
Nedoyio enyorrata olchore lai
Alo eneirragie ng’aturan
Enenapieki nkera ake apik
Metubulu anaa nkolong’i
Oltung’ani oiba nanyor ilmurran
Ng’oru nabo nagol nias
Tikirrie obaribara iltuli
Meshomo aipang’ te Nairobi
Tipika emuatata olng’ojine
Nipik olowuaru ronkai
Ore pee ekenyua eserian intare
Napal ole ng’oto Talash
Tang’orokoki oloibor kume
Maitashalunyie loolpapit