Written by: Dr. Naomi Kipuri  (For English translation see her great book: Oral Literature of the Maasai)

 

 

Enyor Emusunkui olodua

Neisulaki enenkare – narok

Eirragie Pareron tioriong’

Enoonkurman metudung’i

Siriri nataa ilasho mankek

Naigilie olmari ole Nesenke

Laleyio ehoo, hoo iyio laleyio ehoo {chorus}

Ore eranyisho mampai e sirit ai

Nagira amuk nanu enkutuk

Mme ntoki nalimu maata

Nkatampo Enkai aomon

Meinyiaku Enkai te sipitali

Ololtaika orru Naitiku

Yieyio lai ng’oto Naitiku

Enalepito isiruai olwuampa

Nimioshie enchata nairoishi

Siriri olong’u tenelotu

Maitieu aikilikuana ntae

Enkop naitipat Pukoret

Ootu enosa ilomon peyie aning’

Te suntai enkaji ang’ tara

Aning’ito eji olchurrai orresho

Eitipatita Reyio nalepo

Enaigilie ilmepunya emunge

Iloolkishau emparinko

Atiiaaka ole Kipuri owuasa

Misuj iIturua mikisul

Tijing’a enailuda maruate

Nainosie oltir ilong’oi

Eshomo olosioki iloipi

Neito ilkeek ilakedok

Neing’uari olopeny enara

Loltuati opi metisiri

IImolelian loosikitok

Oishiru ntawua neponu

Nadung’ie ololming’ani Rripo

Nadung’ie ole Ntiako kusaka

Elang’ilang’a ololming’ani

Lenkaisi edung’i suya

Olchani li auluo otukurre

Oinosie ntasati enchenche

Milo enchankar ng’oto kisimpol

Ng’otonye olmurrani le sayiet

Olorikito malancha enkereri

Ntashat naaudo esinko

Eiririunye emutiy enchan

Nang’as arrep nabo sirit

Atang’asa arrep naing’asia osioki

Najulito olorru Kimeriai

Neoiki ole mpoke oloing’ang’e.

Le nkitipai oo nkujit

Taoiki enkitipai e kule

Naibung’ie nchilalo ilaimutia