Written by: Dr. Naomi Kipuri  (For English translation see her great book: Oral Literature of the Maasai)

Ore apa ng’wesi entim naa nkishu oonkituak apa. Ore nabo olong’ neyieng’i enkiteng’ tadekenya, enoshi kata eton eirrag nkishu ontare. Neirrag ake dou nkishu o metalaari aapuo daa. Nelaari sii ninche ntare. Nejoki entasat nabo enkerai: “nyio shomo mboo nkishu”. Nening’ ake ng’otonye enkerai nejoki ina tasat: “Ai-a-ah, melo ninye enkerai ai eton eitu enya olairakuji”. Naa kejokini ake ae kerai meshomo arrinyu nkishu nemitiki ng’otonye elo eton eitu eonyu enkiti toki. Neikoni neijia o meshomo nkishu o ntare entim, nepuo aaimin. Ore kenya peyie eidip nkera pooki aainosa nkiri neji maape aaleenu nkishu neinepuni etaapishote. Neiturrarrie apa nkituaak nkishu ina. Neidur aapuo aashula o ilewa leitu ninche eitololoiki nkunenye. Ina oshi paa ore nkishu naa inoolewa, kianyu ake nkituaak meishori pooki toki.