Written by: Dr. Naomi Kipuri  (For English translation see her great book: Oral Literature of the Maasai)

Netii apa neimin enkiteng’. Nepuo nkolong’i uni enkop etii ake ang’ata .Ore tenkolong’ e uni nelo olkeju aing’oru enkare naok. Neinepu olng’ojine nerany ajoki:

                  “Aasai le uu enkiteng’ nalepo

                   Enkolong’ e uni ena eitu aokisho (airraga ang’ata)

                   Naar enkure olapa le ntung’us.”

Neranyaki olng’ojine ajoki:

                 “Meekure ebaiki maimanya le munchu

                  Aang’as amurut aitaar entirbo

                  Naaitoki aidosu ilgisoyia le nyewa

                  Naaitoki aijurum olendia napong’a

                  Meeta elimoto nemeish eewuo

                  Eisha kinosa Ole Wuargas onyokie

                 Obatat oltuala ole polos kimirta

                 Kimirta, kimirta!

                 Kainyioo naning’o tenda tim ejo kau!

                 Murunya nkiyiaa oitalala endaata

                 Olonapu ndaiki meturua enapita

                 Nemeng’arie entolut naitaa ng’otonye

                Nelotu nerrorro tembata emoyoo

                Netukuny tenkutuk entanun natong’ua

                Neyieyio nashomo nkang’itie e eiking’a

                Nkarra olpaashie intebebek kidamu

                Idamu Ole Minyi otiooyo tiauluo

               Intaa enkikarret embibi natoyio

               Naiwuang’ie tolng’ejep naimu oloing’oni

               Meraposh leng’ojin enkiteng’ nalepo

               Enjipati olalae intare tikitam

               Pukoret nashirraki olkiteng’ loltuala

               Hoe hoo maimanya le munchu!

Ore ake peyie eidip olng’ojine ataranyaki enkiteng, neimanya, nekweniki, nenya . Neiting’.