Written by: Krepɛ̃ɛ̃ N’hɑ̃naba

Kubotiʼ màku í kpa ikàa kuyie dɔ̀ɔ̀ kù. Ota᷈mmari kùa kó dikùnni díí tú: difɔ̀nni, a bo fuɔ̀m-ma, difɔ̀ndaà dà difɔ̀nniì  kɛ́  fɔ̀nna  a’bira, dɛɛ̀ bɛnkú a tú kùù boti, iwùa n tɛi miaka.  Yabie n yanaà nà yanaà ko mafitima kó kámiaka nka dɛ́ kò ifɔ̀nkúa mɔra, dɔ̀ɔ̀ri-ma.

Ìì, kúa bɛnkú wèè da kóti  n’a’kóti  wè; kɛ-ya᷈  k’aa yi fua a yi kótá á yí dòn kɛkari bɛ kótibɛ  kari díi maà kɛ̀bɛ́ɛ n dinùù mari.  Dɛ̀ tu᷈m bɛnkú a dommɛ-mɛ kɛ́ yóu tibíkɛ́mbɛ́nti, kɛ́cómú dikoticoni.

Tiha᷈a᷈̀pèti tìì tú deènni kɛ̀ didacɛ᷈̀nti nti dɛ́ɛnni k’aà nɛ nà kɛ́ta difɔ̀nni. Dɛ̀ ketri nɛ̀ dikpa᷈ntiri ndi kɛ̀ pa᷈a᷈n dikɔ᷈mbùa a bo yí-mɛ kɛdáàti bɛsapambɛ kɛ̀puokɛ wèe da dɔ́.  Mɛwaànaa m miɛkɛ́ nkɛ̀ sifɔ̀mbíí  ɔ᷈ɔ᷈  kúo-mɛ tibíkɛ̀nyùti kɛ́bɔnt’o mɛ bíkɛnyɛmɛ  kɛtu᷈ nɛ mɛkotifíe.

      Bɛǹitìpobɛ bɛ̀ɛ̀ ɔ᷈ɔ᷈ niitɛ kɛ́kɔ́ɔ̀tɛ kà bɛ sori tù “Diku᷈̀ntiri”; kɛ́dée kɛ̀ bɛnitidáàbɛ nɛ na kɛ́ta difɔ̀ndaà kápúɔ᷈-nɛ dinnii diyɔ᷈ɔ᷈  tɛri kɛ̀ dɛ́ kó dibenii de᷈e. Kɛ̀ ti tón kémmú yɛbìe yɛnàa tɛyɛ.

   Difɔ̀nni tú onìtìdɔ́ɔ kúɔ kó diku᷈nni ndi k’oò nitipoku kpɛyi kó diku᷈nni tú Di᷈ku᷈ntiri.