Written by: Taakolla Geetahun

Kulila muroppe kallaanni. Kulila, oto iyyinoyye, ikiini: “Kakakar!” . Oton oli haleeniyyi, ikiini, “ Tukuj, tukuj!” ka oori olkapopa anni. Kulila halkeette qora a kukutta oppopa mukitta kalli. Soa kulila, oto dammaaneyye, akata meawni.

    Kusse ka xala kulila malla piita a qudere kiinaanepa kute.

Kulilase, piita a qudereeyye kanta kurro kapa kala. Kusse ka hukukkaadi akke ka pohe ka ishin kale. Ka peede ka pokkaallatteeta kulilasiti qaase. Ikka qara qapame. Kusse oori, ete kulilase akka qapame akkeyye, ixasode.

    Sekkammayye, pokallatteeta qarayye kulilase fure ka ishin kaltae xe. Ete kalloyye, kappino isha akke ka isha kaassanni ka kiini: “Aysha kulilan kalanni?” Ikka kiini: “piita a qudereetin ishin kalli”.

Ikka oori ollin tika a opa Kussepa kalen ka kulilase qalen. Aayya opa Kusse ka oppae dama a poqolla ishoota anqalte ikka damen.