Told by: Kaasaye Kaylase

Xattayye, orra torrinni ka kiini: “Orayta orra sassapanni”.

Oraytose nefo pinaana a soa damma oppa takka. Wa damma nefo, loalla ka, telalla ka, kaharra ka wa asse pappaha.

    Oto patan nama ka faanoyye, nessayshotinni haleeni. Orayta, oon telteeta issipa qeeda halenniyyi, nessaadinni kiini: “Me’e’ee! Me’e’ee!”.

Otoon saayye, ikiini: “Umpaa! Umpaa!”

Otoon  kahirtayye, ikiini: “Maa! Maa!” Ka pora asse pahon paata sassapanni.

    Orayta i’iyyini ka kiini: “Urriiy! Urriiy!” Semmalla orayta, qoota iyyita nessa horeeta pisa mina ekkanno malla, orra qawanni.