Written by: Late  Philip Baako Adam Malshegu       Edited by: Adam Carlos A.

special thanks to: Mohammed-Muniru Cosmos

Dahinsheli ka jaŋa, nologu ni gumachuɣu daa yaa doli, ka bɛ ti pii yua. Jaŋa mini nologu ban daa kɔŋla yuu’ma piɛbbu.   

Gumachuɣu ko n daa mili piɛbbu. Ka o  daa piɛbirili ka dinyaɣsa pam. Dina n-nye bɛ zaliya ni bɛ tim taba yuya ka Gumachuɣu mali piɛbiri niŋdiba ka bɛ wɔra. Jaŋa yuli n  daa booni ‘Jambɔbgusiɣinyu’. Nologu gba mi yuli n daa booni  ‘Tinsheekumpalapa’; ka Gumachuɣu  mi yuli boon ‘Tampimazuɣu-luɣiriwɔɣiribiɛɣu’.

Be ni boli yuya ŋɔ naai saha sheli ka bɛ che ka Gumachuɣu piɛbi yuu maa mboli bɛ yuya maa. Jaŋ’ da nya ka Gumachuɣu yuli maa mali yaa ka lan  viɛlli nyaŋ bɛ ban kpallim yuya. Ka suli daa wummo ka o daa dii piligi n nahimdi Gumachuɣu.

O da nyela bindi ka yelli ni Gumachuɣu gamli. Ka o daa zaɣisi ni o ku gali. Din daa nye jaga daa bo fiebiga n fiebir’o  ka yeli ni o gamli. Gumachuɣu daa kuhiya ka di niŋ ba yoli pam. Naawuni ni daa ti yen yu o, Baa n daa ti yi bɛ zuɣu ka bɔhi ka Gumachuɣu piɛbi  o yuu maa n yelli: “N zo j’aŋ’ n yeli, n zo jaŋ’ nyeli,  ni ti  tim tab’yuya; Ka boli o yuli ‘Jambɔbigusiɣinyu’, n zo nologo yulli ‘Tinsheekumpalapa’ m mi mamaŋ yuli ‘Tampimazuɣu- luɣiriwɔɣiribiɛɣu’.”

Gumachuɣu ni kuli piɛbbi yuu maa naai saha shɛli ka Jaŋ fie bo ‘pib’ ka yeli ni o gamli. Gumachuɣu daa  ga Jaŋ’ bindi ŋɔ ka yeli ni o “Ga la kpara, lɔɣra bindi ka o niŋ maara. O ga la gbundiɣila lana bindi ka o niŋ, niŋ sany”. Di saha ka Jaŋ’ lan fiebbo m-pahi ka baa daa kabina ni o ti  gbaai Jaŋa.  Ka Jaŋ daa dii guuri  ka yɛra “mani ku guui kan jinjam chahi, mani ku guui kan jinjam chahi. O ni daa ti baŋ ni Baa bi diɛmdi o mi saha sheli la ka o daa kpaŋsi o maŋ n guui pam ka yɛra”.   Diyi chahi  mani she, di yi chahi mani she.

Dindali hali wayo ka Baa na bi nyari Jaŋa mini  o balibu ŋɔ. Baa n daa fa Gumachuɣu mbahi Jaŋa fukumsi ni.