Sukuma – YISE TWAFUMA KO

Collected by: Don Sybertz,   Scanned by: Cephas Yao Agbemenu   Edited by: Fr. Zakaria Kashinje OSA

With special thanks to Rev Joe Healey (African proverbs,Sayings and stories)

   

Waliho ngosha umo witanagwa Yipilinga. Ngosha ng`wenuyo mukikalile gakwe. Akiyigwa gwandya kusalila. Shitakwilile shiku uja kujumona ng’walimu wa dini. Welelejiwa pye imihayo iyo wabhujaga. Na Wandikwa ubhiza nangwa.

Lyakanoga lyushika ikanza lya bhulangwa. Yipilinga akabhiza njamu mpaga kushika kubhatishiwa ubhiza Rafael. Akabhiza nzunya njamu gete, ni ng’wakwe pye bhandya kusalila. Sha lushiku lumo, Rafael upandika nimo gwa kubokela mhiya ningi no. Akabhiza nwagi na wandwa bhujingi. Wakanoga utola bhakima bhabili ubhiza nabho bhadatu.

Nulu kupanda kwisalila oya, ulu bhamuja abhanhu, “Hama udukasalilaga bhuli?” Nang’hwe wayomba, “Gemagi ning’we, abhise twafumako.” Waja kuwalwa.

Sha lushiku ngosha ng`wenuyo kusata kana gakwe ka nkima uyo walatasalilaga nawe. Bhugema bhugota pye kushika nose gucha. Rafael aho wabhona giko, uja kubhazunya gujulomba bhang’walimu bhasome ibada jagunombela ng’wana wakwe abhikwe nyazunya. Aha wabhawila bhatongeji bha Kanisa bhung’wila giki, “Bhabha ubhebhe amalagilo ga Mulungu ukamanile gete.

Ihaha watala wabhiza mpagani. Utola hanze ya ndoa yako, oya nukusalila. Yise tudiza wabhulaga ilisangi ni kanisa nu Mulungu ng’wenikili.

Ngosha ng’wenuyo akashoka kaya wazongaga no. Ng’wana wakwe ubhikwa nyapagani.

This entry was posted in Sukuma and tagged , , , , , , . Bookmark the permalink.

Comments are closed.