Amos Sakat (Korogu village)

Collected by: Dr. Gerd Jendraschek  (For Dr. Gerd Jendraschek English version please look here)

Wa’ksugwa takavaakkat ti’ka taak bau vi’naya, bau apma baji’n bau,

badwan bau, wiyak wali’ka bau dikak kali’kka yaa nyaba takalaa,

yika puudi’, wuba di’kak ni’di’ba glau lakalaa, wuba yau tuwun.

Yau tulaa takalaa wuba kaminokak vi’kani’n.

Wa’tnadi kamino, maali, kabai, waagi, kaami, kwaaji’, adi’kiandi

wa’tnadi kamino.

Adi’ki kaminoba vi’laa li’ka wuba guk bau okwi sugwa kuttaa yika

di’na yimkak vi’ka, yim ki’ba li’kadi’ walaa, pu laaka ya’k taaka waatda

ki’li’da kava vi’laa, wuba giyabak sugwa takakani’n.

Sugwa takalaa gaan yika kwaa, gabi, ak yika sugwakak yika

vi’kani’n.

Klali’dayan taba wan sugwa laba kladakkalilaa gugeba kladakkalilaa

li’di’ wugi wiyak waa baua wakka wiyalaa li’di’ wugi bauba vi’ka wan

wa’kkak giyabak.

Bauba kukka klawakka klaa yika akwivi’li’ba ti’dayan di’kak kukka

kelavlaa klaakuka kiyalaa li’dayan ko kukka kukani’n.

Yivuk’a ti’dayan di’kak kukka kachoka maak wa’k kulaba vatnyaka kukani’n.

Ni’ma wa’k, di’kak ni’bidaba si’kiyani’n.

Yaa wakkaidi’ wuba kulaba viyaa di’kak kukka kulaa kiyani’n.

Kiyaa yaa klawattaa ni’ma wa’k’ak ti’dayan taba di’kak kukka laaka

kajaka ki’kani’n.

Maak wa’k’ak ti’dayan wega klaa wa’k’ak ti’dayan wega klaa wa’kna

klaa wali’kadi.

Walikudiba “inches” wali’kani’n.

Ki’ta dumi klaa ti’dayan wuba gakaya yaa taba vli kyeli si’la kuvuk

taba vli kyeli si’la ainak klaa2 apmâ gakayadayan, wan wega klaa wa’k’a.

Wugikak ti’ka di’na si’bi’ apmavaak.

Ka’ma glau takani’n yaabi’ magwaladi’.

Apmavaak di’kak si’bi’ kukka yika gi’li’laa si’bi’ klalaa di’kak kwip

takaka wan taba wega klavakak vi’kiyadi’.

Wibuwa’k kali’kka duni’bakak kaja kwika o di gekavaba kukka wupmâ

ki’ka yika si’bi’ kukka yika wega kladi’, wan wa’k kukka nyaan.

Ap maak ak wa’tnana vaak apma yika gi’li’kali’.