Written by: Korra Garra
Edited by: Dr. Ongaye Oda Orkaydo
Atti Karro Karro ektan kampassayto
Ektan kampassayto ka qaawwaa kara kalo
Anaa ke kaassado, atta asse kellatte
ka ilattumae kamte?
Atti isshakki shakkiy maxxaayti karrattaay
Atta’asse kollatte ka ilattumae kamte?
ka arpadaa ka karma qara kakkahanni?
Qamileewwaa qaraa hayyuuma kaassattem?
Ilattumaddoosin ayshoppaayye qqeette,
ka kurropa’e kalsatte?
Sakkatta dullaappaa orra turaa issarri!
Opa koskoraddaa oppa issassapanni.
Maa sahnoosin xaayti xasa orrati’in salleey
Sahnaati alle ddishe ka saanta orratin aane.
Oon in sahakki’ini ka saamtaaytinniw anni
Sahnaa kapa sahnaaw orra oori ke’en sassapamo.
Axtta xatta maa orra oori i impasa
Ilattumaannonne alle’en ke ikanna
Ke ikassa qara umma taanya inon ikkishan
Atti Karro Karro oon i se kekkalli
Ilattumaa kamma lammattae allekkale
Ka kampasha ektatin poraawwen kahadan!
Oon i ke’e aaktaayye tamaaretae kale
Ka attaa orra kallaanno mattaayti kaassado
Kallaataayti in tiinneey arrannen kahadan
Otoon kammaewwe kammi teelee ke kataneey.