Collected and written by: Korra Garra

Edited by: Dr. Ongaye Oda Orkaydo

Xatta xampiraa piisa akkaa awwe shipiraata junkoolle kuti’initto mune’e

kuti’inii kidammi. A pinaanaa pilaa mine’e kuti’inin caan oo xaysannaane. Se malla

pinaana pilaa xampiraa. Onni, ka kiini, ishina orroppaa junkallee kuti’inittaney.

Shipiraata ka deexxoe xampiraa piisa hale’ete kayya’ata takkaayye ka ki’ite,

pinaanaa pilaa inoo onni ka kiini, ishinaa junkaalle kuti’ina a orreeyye maanaw? Se

malla attan koddina? Xampiraa pilaa pisa ka kideene a’awwee desa paayyateyye

pisani junkaalle kuti’ita alle’en diinna ka a pinaanaa pile mine irran ela kuti’ina ka

asse pi’isadeen ka paseen. Sede kammaa xampiraa pile piisa akka pinaana peil

mine’e irran ela kuti’itta paayyen. Ma shipirraate junkaalle kuti’ita qudaaw kitta           

xampiraa pile ka oori shipirraat qarae miiroodeen ka kideenee shipirraata maanaae

waa xampiraa olturaa. Oon sadeene oppe salaatitte ka a xatta mine junkaallew

kuti’ini? Alleen shipirraata i kamasitiyye, shipirraata akkaa xampiraa pilaa kodaadi

minan isheetta qara miiroodene dakayte ka issin paheetae kuyya’ateeyye alle pora

tukkanta kare dekanni nakayni ka halkeette. Oo xampiraa mukittaa kalan kammaa

tukkantoppa damta faddattaa sookni. Se malla xampiraa ka shipirraata awwekkiti

asse kallaatta qudaa kalane kidammi.